Ikasleen talentua sustatzeko gida: Batxilergorako, Lanbide Heziketarako eta unibertsitaterako hainbat aukera

Abstract

Ikasleen talentuaren garapena hezkuntza erakundeen erronka nagusietako bat da. Ildo horretatik, ikerketek adierazten dute testuinguru aberatsa eskaintzea gakoa dela ikasleen talentuarekin lotutako gaitasunak garatzeko. Gida honek ikuspegi hori hartzen du oinarritzat, eta hezkuntza testuinguruak ikasleen talentua sustatzeko aproposagoak izateko bideak proposatu nahi ditu. Helburu horrekin, bi ataleko gida bat proposatzen da. Batetik, talentuaren definizioa jaso, eta talentua osatzen duten dimentsioak zehazten dira. Azpimarratzekoa da talentuaren kontzeptualizazio lan hori askotariko sektoreetako ordezkarien arteko eztabaidaren ondorio dela. Bestetik, talentuaren dimentsio horiek hezkuntza testuinguruetan sustatzeko bideak iradokitzen dira. Horretarako, aintzat hartu dira ikertzaileen ekarpenak eta talentuaren sustapenaren esparruko nazioarteko praktika esanguratsuak.