Fluido magnetikoen portaera magneto-reologiko eta biskoelastikoa

Abstract

Fluido magnetikoak likido eramaile eta partikula magnetikoez daude osatuta, eta beraien portaera aplikatutako eremu magnetikoaren menpekoa da. Lan honetan, olio mineralez, sufaktante batez, likatzaile batez eta partikula magnetikoz osatutako fluido magnetikoak sintetizatu dira, partikula magnetikoen bolumen kontzentrazio ezberdinak erabiliz. Fluidoak aplikatutako eremu magnetikoaren arabera karakterizatu dira Anton Paar MCR-501 erreometro birakorraren bidez eta plater paralelo konfigurazioa erabiliz. Bi entsegu mota burutu dira, likatasun eta oszilometria motatakoak. Lehenengoen bidez, fluidoaren fluxu-portaera zehaztu da aplikatutako eremu magnetikoaren arabera. Oszilometria entseguetan, lehenbizi, deformazio-ekortze baten bidez, eremu biskoelastiko linealaren muga ezarri da. Ondoren, eremu horren barnean, maiztasun- ekortzeak burutu dira. Entsegu hauen bitartez, materialaren propietate biskoelastikoak ezarri dira partikula magnetikoen kontzentrazioaren eta ezarritako eremu magnetikoaren arabera.