Mondragon Unibertsitateko Biltegi Digitalak sarbide irekia ematen dio unibertsitatean sortutako dokumentuen testu osoari. Dokumentu horiek bere jarduera akademiko, ikertzaile eta instituzionalaren ondorio dira, eta erakundearen Sarbide Irekiko politiken konpromisoak betetzen dituzte:

Helburuak

Helburu hauek ditu: sarbide irekia sustatzea, ikusgarritasun eta eragin instituzionala handitzea, eduki digitalen babes segurua bermatzea eta estandar teknikoen bidez haien elkarreragingarritasuna erraztea.

Edukia

Doktore-tesiak, gradu eta master bukaerako lanak, material didaktikoa, unibertsitateko argitalpenak, lan-dokumentuak, preprintak, postprintak, artikuluak, biltzarretako aktak, datu-sortak, dokumentu instituzionalak, etab. aurkituko dituzu.

eBiltegian argitaratzearen garrantzia

• Ekoizpen akademikoa eta zientifikoa plataforma bakarrean bilduta daude
• Nazioarteko arauei jarraitzen dieten metadatuekin deskribatzen dira dokumentuak, eta horrek elkarreragingarritasuna errazten du.
• Komunikazio zientifikoan abiadura handiagoa
• Ikuspen handia sarean
• Egileen lanaren eragina handitzea
• Utzitako dokumentuen eragina neurtzeko aukera ematen du. Sistemak erabilera- eta deskarga-estatistikak ematen ditu
• Epe luzera sartzeko eta zaintzeko bermea
• Erakundearen jarduera zientifikoa eta intelektuala islatzea eta oroitzea

Edukien babesa

Biblioteka Zerbitzua da eBiltegiren arduraduna, eta DSpace erabiltzen du, kode irekiko programa bat, Massachusetts Institute of Technology (MIT) eta Hewlett Packard (HP) erakundeek garatua.

eBiltegiak bere edukiak betiko eskuratzea eta zaintzea bermatzen du, unibertsitateko zerbitzari seguruetan ostatatuz, eta beste informazio-sistema batzuekiko elkarreragingarritasuna bermatzeko beharrezkoak diren baldintza teknikoak betetzen ditu.

eBiltegia digitalki zaintzeko jarraibideak

• Integritatearen berrikuspena
• Segurtasun-kopiak
• Hardwarea eta softwarea eguneratzea
• Behar izanez gero, formatuaren migrazioa

Metadatuak berrerabiltzea

eBiltegiak Open Archives Initiativeren (OAI-PMH) elkarreragingarritasun protokoloa erabiltzen du, biltegiratutako dokumentuen ikusgarritasuna eta haien eragina handitzeko. OAI-MHP protokoloari esker, beste aplikazio batzuek eBiltegian gordetako dokumentuen metadatuak jaso ditzakete. eBiltegian erabiltzen den metadatuen eskema Dublin Core Metadata Terms da.

eBiltegian gordetako erregistroen metadatuak 4.0 Creative Commons Aitorpen Lizentziarekin banatzen dira. Nazioartekoa; horrela, edozein biltzailek edo erabiltzailek metadatuak erabili ahal izango ditu, eBiltegian jatorrizko erregistroaren iturria eta identifikatzailea aipatzearen baldintza bakarrarekin.

Lizentzia hau gordailuan utzitako materialekin lotutako metadatuei bakarrik dagokie, eta ez ditu inola ere ordezkatzen edo aldatzen horietako bakoitzarentzako lizentzia eta baimen espezifikoak.