Euskararen eta irudien erabilera ez sexista eta inklusiborako jarraibideak

Abstract

Jakina denez, hizkuntza erabiltzeko modu guztiak ez dira egokiak eta ez dute pertsona guztiekiko begirune bera erakusten. Alor honek arreta merezi du, hiztunok egiten ditugun erabilerek ere eragin zuzena baitute errealitatean, baita munduaren eta gizartearen irudi zehatz bat eraikitzeko orduan ere. Horregatik, funtsezkoa da hizkuntza-erabilera arduratsuak eta inklusiboak egitea, hau da, emakumeak eta gaur egun gizartean oraindik desabantailan dauden taldeetako pertsonak zapaltzen, estigmatizatzen edo ezkutatzen ez dituen hizkuntza bat erabiltzea. Gida honetan, erabilera desegoki ohikoenak azalduko dira –ahoz eta idatziz egiten direnak–, eta horiek egoki adierazteko jarraibide eta adibideak proposatuko dira. Batzuetan, berrikusi beharko litzatekeena ez da soilik formulazioa, baizik eta horren atzean dagoen igorlearen ikuspegia (jarrera sexistak, arrazistak, klasistak… erakusten dituena). Ikuspegi intersekzionalak, gainera, agerian uzten du diskriminazio-ardatzak aldi berean gertatu daitezkeela; gurutzaketa hori hiztunen adierazpenean ere islatzen da. Gizarte justuagoaren aldeko ahaleginak hizkuntza inklusiboa erabiltzeko ahalegina barnebiltzen du.