Literaturaren ikas-irakaskuntzan aurrera egiteko album ilustratuek eta ikasgelako elkarrekintzek eskaintzen dituzten aukerak

Abstract

lkerlan honek literaturaren ikas-irakaskuntza prozesua sakon ulertzea du helburu, zehazki, literatur genero bat, album ilustratua, ikasgelan lantzen denean. Bertan sortzen diren elkarrekintza didaktikoak aztertuz, besteak beste, ezagutza literarioak elkarrekin nola eraikitzen diren ulertu nahi du, gaitasun literarioan aurrera egiteko eta hezkuntza literariora hurbiltzeko emankorrak izan daitezkeen ereduak ezagutzeko, bai elkarrekintzan berari dagokionez eta bai generoari eta literatur alorrari dagokionez ere. Horretarako, Arizmendi ikastolako kide diren Arimazubi eta Almen zentroetako Lehen Hezkuntzako bigarren zikloko irakasleekin prestakuntza-prozesu bat martxan jarri eta hura ikertu egin da, prestakuntza­ ikertua eginez, hau da, ikerketa eta prestakuntza uztartuz. Prozesu horren baitan jaso dira aztertutako datuak, ikasgelako datuak zein prestakuntzakoak batuz eta aztertuz.